Laekers

Staðan eftir 3.mars, 2004

2004-03-03T10:57:00.000Z

Fátt um gærkvöldið að segja annað en að sveiflur voru gífurlegar. Jabbarinn kom til leiks og náði ágætri syrpu þrátt fyrir að hverfa af vettvangi nokkuð snemma.
Jónarnir voru hvor á sínum endanum þegar stig voru talin í lokin. Hillarinn var heldur betur í stuði langtímum saman og raðaði af fjölinni. Sögn dagsins átti Magic: "Þetta minnti á tíkallakassana í gamla daga" eftir að Bird var búinn að gormast eins og full kengúra undir suðurkörfunni í hálfa mínútu og taka sjö fráköst í röð eftir sjálfan sig án þess að geta komið tuðrunni oní.

Thunder-Gun er kominn á reynslusamning fram á vor eftir feikilegar umræður og nefndastörf fram á nætur undanfarnar vikur. Var honum valið nafnið Majerle eftir miklar rannsóknir á fortíð og tölfræði. Eitthvað er umdeilanlegt hvort okkar maður hafi þótt jafneftirsóknarverður biti í kvenkjaft og Dan á sínum tíma, en Marjerle var vissulega hörkuleikmaður. Ekki sakar að nafnið kallar fram vissar endurminningar um reggíhátíðina miklu lokakvöldið á Jamaíku, en mynd vikunnar er einmitt úr þeirri frægu ferð. (Þó ekki frá umræddu kvöldi.)

Nú þegar er undirbúningur kominn á fullt varðandi lokahóf vorsins og jafnvel golfmót. Með sama áframhaldi stefnir í mótaröð Lækers 2004 því nefndastörf hafa gengið vonum framar. Allar tilkynningar sem berast verða birtar hér en stefnt er að lokahófi fyrir lok apríl ef eitthvað er að marka umræður gærkvöldsins.

Síðar í dag mun síðan síðan birta mynd af Paul Sturrock, nýráðnum framkvæmdastjóra Southampton, í hrókasamræðum við þjálfara FH - spurning hvort ekki verða rifjuð upp gömul og góð kynni nú þegar báðir eru loksins komnir við stjórnvöl stórklúbba. Síðan lumar á fágætu myndefni og ekkert sjálfsagðara en að ganga til viðræðna um birtingarrétt eða stöðvun birtingar gegn hóflegu gjaldi.

Sturrock kennir Óla heitustu Macarenahreyfingarnar í Skotlandi ´90.

Bráðabirgðatafla

2004-01-08T09:04:00.000Z

Guðjón Á------5,5 ---- 4,5
Henning-------5,5 ---- 4,5
Jón Erling---- 5,5 ---- 4,5
Björn----------4,5 ---- 3,5
Jón Þór-------4,5 ---- 3,5
Gummi--------4,5 ---- 3,5
Magnús P ----0,0---- 0,0
Pálmi----------0,0 ---- 0,0
Leifur----------0,0 ---- 0,0
Ingi G.---------0,0 ---- 0,0

"Enginn veit fyrr en reynir á, hver verður næstu töflu á" söng gleðisveitin Upplyfting á sínum tíma. Hlutirnir eru að gerast í upphafi misseris - svo sannarlega. Jón Þór með fjárhagslegt uppgjör og hjálm, Jón Erling með boðun kvöldið fyrir daginn og gerviblóðblett á bolnum, Pálmi og Magnús með þögn sem kostar vítur, Leifur með tilkynningu um hugsanlega heildarafboðun misserisins, Henning með Stjörnunni og nýja klippingu, Ingi með vottorð í leikfimi, og Björn með.

Um næstu stórfregnir verður varla fjallað að sinni, en þess ber að geta að sjálfur Big Dori lék sem gestaleikmaður í gamlársboltanum og stóð sig best. Bar uppi lið sigurvegaranna og kom með nýjan vinkil í boltann með góðum skutlum sem skiluðu sér.

Fyrsta karfa ársins var þokkaleg. G.Hill og Bird léku alla leikina í sama liði og náðu því jafnmörgum stigum. Hillarinn var búinn að lofa nýjum tilþrifum og stóð svo sannarlega við yfirlýsingarnar. Hann er því myndarmaður vikunnar. Tveir hávaxnir menn töldu vera rangt talið í einum leiknum en það var alrangur misskilningur. Nokkra úlfúð vakti óvænt innkoma Danna hvíta í upphafi tímans en hann virtist vera að kanna grundvöll þess að veita Lækers æviundanþágu frá greiðslum auk þess að veifa Aston Villa trefli. Nú þegar nýskipaður menntamálaráðherra hefur látið vera sitt fyrsta verk að setja Vöggu íþróttanna í friðunarflokk A+, sem þýðir í raun alfriðun er tryggður aðgangur hópsins að húsinu um alla framtíð. Er það vel.

Það er Bird sem sýnir á sér hina hliðina þessa vikuna en hann hefur verið útnefndur Harmónikkuleikari Skerjafjarðar eftir stórleik á áramótabrennu þar í sveit. Bird hefur verið úti í túnfæti að þenja dragspil ef marka má frammistöðu hans í boltanum í vetur.

Haustmisseri lokið

2003-12-18T12:52:00.000Z

Henning-------51,5--- 4,72 ---- 9 --- 6
Magnús P ----50,5--- 4,05 ---- 10--- 4
Björn----------43,0 --- 3,78---- 9 ---- 3
Jón Þór-------43,0 ----3,78---- 9 ---- 4
Guðjón Á------39,5 --- 3,94 ---- 8 --- 0
Gummi---------37,0 ----2,70--- 10 --- 4
Pálmi----------32,5 ---- 3,64 ---- 7 --- 5
Jón Erling---- 31,5 ---- 2,94 ---- 8 --- 0
Leifur----------16,5 ---- 3,13 ---- 4 --- 0
Ingi G.-----------4,0 ---- 3,00 ---- 1 --- 0

Að vanda var keppni býsna hörð og réðust úrslit í heildarkeppni misserisins ekki fyrr en í síðasta leik fyrir jól. Vissulega komu upp atvik sem aldrei verða útkljáð eins og til dæmis hvort tíminn var í raun útrunninn þegar lokakarfan var gerð, hvort taktík Hennings að láta eiginkonuna tefja leik á úrslitastundu var réttlætanleg og eflaust margt fleira.

Það er heiður að verma þriðja sætið á stafrófsröð en það er ljóst að Jón Þór er allur að eflast og kemur enn sterkari til leiks á vori. Tel ég reyndar að það gildi um alla.

Henning haustmeistari reif sig fram úr MvP á lokasprettinum á seiglunni, landaði 20,5 stigum á seinustu vikunum þrem meðan MvP náði aðeins 10. Gengur bara betur næst.

Svo brennur spurningin á vörum manna í dag: er Jón Helgi Pálmason ennþá inni í áhaldageymslunni?
Sá ungi maður mætti til leiks í vöggu íþróttanna fyrsta sinni í gær og spurði brattur þegar í anddyrið var komið: "Hvar er höllin, pabbi?"

Haustmisseri senn að baki

2003-12-11T15:46:00.000Z

Magnús P ----45,5 ---- 4,06 ---- 9 --- 4
Henning-------44,5 ---- 4,56 ---- 8 --- 5
Guðjón Á------39,5 ---- 3,94 ---- 8 --- 4
Björn----------39,0 ---- 3,88 ---- 8 --- 4
Jón Þór--------38.0 ---- 3,75 ---- 8 --- 5
Gummi---------32,0 ---- 2,56 ---- 9 --- 0
Jón Erling---- 31,5 ---- 2,94 ---- 8 --- 0
Pálmi----------26,5 ---- 3,42 ---- 6 --- 5
Leifur----------16,5 ---- 3,13 ---- 4 --- 0
Ingi G.-----------4,0 ---- 3,00 ---- 1 --- 0

Að þessu sinni bætast við tölur um mætingu og stig á kvöldi aftan við heildarstig og meðaltal. Tilviljun ein ræður því að þetta birtist nú.
Spennan er enn geysileg við toppinn sér maður.

Sömu lið og áttust við í gær léku fyrir hálfum mánuði og kemur í ljós við skoðun að sigurvegarar gærkvöldsins hafa sannarlega spýtt í lófana. Má segja að það lið hafi leikið nánast gallalausan körfubolta og hlýtur það að teljast eitthvert glópalán. Önnur eins hittni hefur ekki sést síðan Guðmundur Valur brilleraði í pílukasti á Treasure Beach forðum daga.

Umdeild kvöldsins kom úr óvæntri átt og er ljóst að McBrands hefur breyst og þroskast sem íþróttamaður við dvöl sína erlendis. (Hugsanlega er Leedsmennskan þó eitthvað að spila inní.) Kom mönnum alveg á óvart er drengurinn dæmdi sér innkast í vinstra horninu Lækjarmegin þegar svo virtist sem boltinn hrykki af hné hans sjálfs. Vitni sem biðu við hliðarlínuna sögðust ekki vön því að sjá McBrands án hlífa og því ófær um að veita álit. Einhverjir töluðu um að þetta atvik hefði verið vendipunktur.

Menn munu síðan fjölmenna í Jólamat Gaflara n.k. laugardag og að því loknu liggur leiðin síðdegis í Neskirkju þar sem að vanda verður hlýtt á jólakonsert félagskórsins, Vox Academica kl. 17.00. Ekki er loku fyrir það skotið að Lækmenn stígi á svið og taki undir í viðlögum en það fer eitthvað eftir áfengisneyslu í téðum jólamat.

Aðventubolti I

2003-12-08T09:20:00.000Z

Magnús P ----40,5 ---- 4,06
Henning-------38,5 ---- 4,50
Guðjón Á------34,5 ---- 3,93
Björn----------34,0 ---- 3,86
Jón Þór--------32.0 ---- 3,57
Jón Erling---- 30,5 ---- 3,36
Gummi---------31,0 ---- 2,88
Pálmi----------20,5 ---- 3,10
Leifur----------15,5 ---- 4,17
Ingi G.-----------4,0 ---- 3,00

HH: Að vanda vel tekið á, en leitt að sjá hversu úthaldslitlir sumir menn eru. Engar óvæntar uppákomur, hittni í meðallagi og sóknarþungi talsverður. Ákv. leikmaður kvartaði yfir því í lok æfinagar að fá ekki að vera meira með undirrituðum í liði. Jón Erling, við skulum bæta úr þessu næst, ég er vanur svona "viðhengjum" eins og þér og get auðveldlega komið þér á toppinn.

JER: Þetta var bráðskemmtilegt kvöld. En eins og menn geta getið sér til um þá hart barist og í raun alveg inní sturtu, og ekki ljóst fyrr en í síðasta leik hver tæki topp sæti kvöldsins - þeir sem eru snjallir í stærðfræði geta notað daginn í að finna út hverjir áttu séns.

Þetta var ótrúlegt kvöld fyrir mig persónulega. Pálmi dróg mig niður í svaðið ( með sér )tímabundið og kallaði mig lélegasta mann kvöldsins kl. 18.22........... og þá urðu þáttaskil heldur betur. Eftir það vann ég alla leiki, meira segja með Pálma sem var alveg rafmagnslaus og virkaði þunglyndur. Sigrarnir hefðu verið einum fleiri ef Pálmi og Guji Ánna hefðu ekki klikkað báðir aleinir aleinir aleinir aleinir aleinir aleinir undir körfunni tvær sóknir í röð á síðustu mínútu leiksins.

Bottom line er að ég var langnæstbestur og gat orðið langbestur en Henningur lék frábærlega síðustu leikina og sjaldan eða aldrei sést önnur eins hitni á köflum og stökum stað, enda lék Jón McBrands hann upp hvað eftir annað þannig að ekki hefði verið hægt annað en að skora - meira segja Pálmi.......... (þetta var nú óþarfi kannski).

Hafa skal einnig í huga að leikið var með knött sem ekki var boðlegur teknískum leikmönnum þótt það hafi kannski ekki komið neitt niður á miðlungsguttlurunum. Hann var bæði skakkur og svo svampaði hann alveg fáránlega hátt.

GÁ: Menn þurfa að átta sig á af hverju úthaldið bregst í restina. Við sem tökum á málunum frá fyrstu mín. finnum óneitanlega fyrir því í restina. Þeir sem standa í rólegheitum úti á velli og bíða eftir að mótspilararnir "pósti", tuddist og djöflist inni í teig og fá svo boltann og skjóti af löngu færi (og hitta oftast) geta auðvitað ekki orðið þreyttir. Ég er loksins búinn að átta mig á með hverjum maður á að vera í síðasta leik!!!!!!!!!

McHale..............verulega slæmur í olnboganum og ennþá svekktur með skrefdóminn!!

JÞB: þetta var gríðarleg barátta í gær og skemmtileg en það fór ekki á milli mála að það voru Henning og Jón E. sem stálu senunni utan vallar sem innan. Í upphafi var ljóst að sumir leikmenn þurftu tíma til að venjast boltanum, allir nema Pálmi sem hafði hitt úr fyrsta skotinu! Ég er strax farinn að undirbúa mig fyrir næsta tíma, legg áherslu á fráköst þessa vikuna.

PJ: Ég neita alfarið að spila 2 á 2 framvegis. Þetta er ekki fyrir gamla menn að standa í þessu, og þegar Guji tuðar endalaust um að hreyfa sig án bolta þá fyllist maður vonleysi og spyr sjálfan sig hver er þessi hlaupagikkur? Best fannst mér í gær þegar Guji hrasaði undir körfunni og datt síðan í miðjuhringnum svo glumdi í húsinu og maður furðar sig á að parketið skyldi þola þennan skell. Annars var Henning góður í gær og hitti að ég held 75%, Magic fékk fleiri vinninga en hann vann fyrir og átti fyllilega skilið það sem undirritaður lét út úr sér í gær. Jón Þór var frekar passívur og hittnin ekkert sérstök. Guji hlaupagikkur hefur verið betri og var með afleita hittni fyrir utan teig. Undirritaður var lélegur og þarf ekki að hafa fleiri orð um það, enda ekki í formi fyrir svona bolta. Megið þið eiga góða daga framundan.

GÁ: Pálmi, meldingar mínar í þinn garð segja meira um hlaupahæfni þína en mína. Ég hef bara svo rosalega mikla trú á þér sem íþróttamanni. Man að vísu aldrei eftir þér öðruvísi en nagandi hælana á mér í langhlaupunum en þú gast nú hlaupið helv... lengi án þess að blása úr nös. Þannig vil ég muna eftir þér og því geri ég mikla kröfur til þín þegar ég er með þér í liði.

Hamagangur

2003-11-27T11:41:00.000Z

Magnús P ----40,5 ---- 4,06
Björn----------34,0 ---- 3,86
Henning-------32,0 ---- 4,33
Gummi---------31,0 ---- 2,88
Guðjón Á------30,0 ---- 4,00
Jón Þór--------28,5 ---- 3,75
Jón Erling---- 25,0 ---- 3,17
Pálmi----------17,0 ---- 3,25
Leifur----------15,5 ---- 4,17
Ingi G.-----------4,0 ---- 3,00

Hátíð í vændum og ekki spurning að mótið í gær var það besta hingað til í vetur, tilþrif, barátta og læti. Svona er lífið yndislegt þegar menn mæta eins og menn: þrjú jöfn lið og ekkert gefið eftir.

Kennari minn einn líkti gjarna góðum fótbolta saman við ballett. Ég vil líkja tímanum í gær saman við týpiska óperu: leikur skipti engu máli þannig lagað séð, söguþráðurinn ein hringavitleysa frá upphafi til enda, en öll áherslan á dramatík og baráttu. Hámarki náði þetta í upphafi þriðja þáttar þegar við lá að uppúr syði og menn fóru uppá háa c. Ólíkt því sem gerist í góðum óperum var þó enginn drepinn þótt vissar hótanir væru í gangi, og að þessu sinni unnu góðu gæjarnir.

Það er ljóst að fátt getur komið í veg fyrir sigur M(v)P á þessu haustmisseri en þó er ekki öll nótt úti.

Jólafagnaði var frestað og breytt í nýársfagnað.

Nálgast jóla

2003-11-18T11:47:00.000Z

Staðan eftir 12. nóvember 2003

Magnús P ----31,5---- 4,25
Jón Þór--------26,0---- 4,20
Gummi---------24,5---- 3,08
Henning-------24,0---- 5,00
Björn----------23,0---- 3,60
Guðjón Á------22,0---- 4,50
Jón Erling---- 21,0---- 3,20
Pálmi----------14,5---- 3,83
Leifur--------- 11,5---- 4,75
Ingi G..--------- 4,0---- 3,00

Magnús enn í traustri forystu og lætur ekki á sér bilbug finna, en Magic hrynur niður töfluna eftir fjarveru. Jón Þór og Henning ryðjast upp töfluna en allt er opið í baráttunni. Fátt hefur markvert verið sagt síðan Pálmi hljóp á olnbogann á Gvendi, en það sem af er vetri er það varnarleikurinn sem ríður rækjum öðru fremur.

Menn impruðu á því að huga að jólateiti sem er að verða allhefðbundið. Ekki má láta góða hefð niður falla ef drykkja og át er með í spilinu, segir máltækið. Menn eru vissulega farnir að bóka helgar. Við erum að tala um dæmi sem síðast var haldið hjá Pálma J og þar áður í Skerjafirði, en nú nýverið fundust einmitt filmur frá því sögulega kveldi ásamt reyndar stórmerkum heimildaractionmyndum úr sögu Lækers. Gerð verður gangskör að því að koma þessu efni á blað sem fyrst til skoðunar og úrvinnslu.

2003-11-11T12:38:00.000Z

Magnús P---- 25,0---- 4,00
Jón Erling---- 21,0---- 3,20
Gummi---------21,0---- 3,20
Björn----------19,5---- 3,88
Jón Þór--------19,5---- 3,88
Henning-------18,5---- 5,17
Guðjón Á------17,5---- 4,83
Leifur--------- 11,5---- 4,75
Pálmi----------10,0---- 4,00
Ingi G.--------- 4,0---- 3,00

Gesturinn Günther von Geradestift

2003-10-23T09:23:00.000Z

Staðan (Fyrri tala er stigafj. sú seinni meðalt.)

Magnús P ---- 15,0 ---- 4,00
Björn ---------- 14,0 ---- 3,67
Leifur --------- 11,5 ---- 4,75
Jón Þór ------- 11,5 ---- 4,75
Jón Erling ---- 11,0 ---- 2,67
Gummi -------- 11,0 ---- 2,67
Guðjón Á ------ 8,5 ---- 7,50
Henning ------- 6,5 ---- 5,50
Ingi G. --------- 4,0 ---- 3,00
Pálmi ----------- 0,0 ----

Í gær
5 Magnús P
5 Leifur
5 Jón Þór
5 Jón Erling
3 Gummi
3 Ingi G.
3 Björn

Það stefnir í hörkukeppni nú þegar og engin leið að sjá fyrir hvernig niðurstaðan verður þegar allt kemur til alls. Jordan mætti óvænt til leiks og kvartaði eilítið undan árásum vegna seinustu afboðunarafsökunar en þegar betur er skoðað er Leifi einmitt hrósað fyrir frábæran frumleika! Gagnrýnin beinist einungis að forgangsröðuninni og þar skiptir ekki máli hvort um er að ræða veiðitúrar, veikindi, vinna eða önnur almenn vitleysa - slíkt mun sæta gagnrýni.

G. von Geradestift birtist skyndilega í salnum í gær þegar æfingin var komin vel af stað og af eðlislægri kurteisi var honum leyft að vera með. Þar með kom nýr andi í leik manna og aukin harka, verri hittni og sérkennileg villimennska. Allt fór þetta þó fram á siðuðum nótum og engum varð meint af þótt lítillega væri deilt um dóma. Günther kvartaði undan hröðum leik að æfingu lokinni og mun væntanlega ekki sækja um inngöngu enda það vonlaust.

Menn eru farnir að hlakka til að sjá Rodda mæta til leiks en hann er að eigin sögn orðinn akfeitur og stirður. Er hér um að ræða einhver erfiðustu meiðsl í sögu Lækers síðan Ingi brotnaði og menn létu sér fátt um finnast. Færri vita að pilturinn varð fyrir þessum meiðslum í veiðitúr síðsumars er hann var um það bil að landa 27 punda grálúsugum laxi í Andakílsá og féll við það tækifæri í djúpan hyl og tognaði illa þegar laxinn notaði tækifærið og dró Pálma til sjávar á þónokkurri ferð. Fór svo á endanum að honum var bjargað af sandrifi nálægt Hyrnunni af leikskólakennurum sem voru þar í fjöruferð með barnahóp.

Laxinn slapp.

Silli valdi Dublinarferð

2003-10-16T09:07:00.000Z

Ákveðið var að veita sigurvegara gærkvöldsins utanlandsferð í verðlaun ef vera mætti að það hvetti menn til dáða og mætinga. Big Mac, eins og karlinn er kallaður, skreið af sjúkrabeði og lét sér fátt um finnast. Þeir sem fengu stig í gær geta þakkað Gauja því að hann var í öllum sigurliðum. Því er hann kallaður Sigurliði, eða í hópi kumpána, Silli. Silli valdi síðan að fara til Dyflinnar og dvelur þar nú.

Leikur manna hefur skánað uggvænlega frá því í fyrsta tíma. Einkum var varnarleikur frábær. Lítið var um rifrildi og leiðindi og er það vissulega miður, einna helst að menn gleymdu að telja hátt og snjallt. Talið er fullvíst að leikur 5 hafi í raun endað með jafntefli. Vonandi skánar ástandið þegar aldursforsetinn fer að mæta enda aldrei lognmolla kringum hann.

Jón Magic átti ekki sitt besta kvöld enda hefur karlinn staðið í ströngu undanfarið. Menn áttu t.a.m. fótum fjör að launa eftir 4. leik þegar staðan var orðin 20-0 í tap hjá karlinum samtals og allt rauðglóandi. Lækers fagnar því þó með Jóni að nú sé þrennan í höfn og sendir hamingjuóskir með Telmu Ösp til fjölskyldunnar. Er næsta víst að karlinn mun vinna úr gleðinni og mætir þríefldur til leiks.

Big Mac breytti sögunni í gær með því að ná forystu eftir eina mætingu. Þegar farið verður að taka saman meðaltal eins og hefð er fyrir mun karlinn eflaust koma sterkur inn. MvP er að vanda traustur og í stöðugri sókn en Bird dalaði nokkuð þótt von sé á skárri tíð þegar nýju gömlu skórnir hætta að naga hæla hans. Er tími til kominn að það gerist enda fengust téðir skór í verðlaun á golfmóti knattspyrnumanna 1994. 75 högg dugðu þá í 1-2 sæti.

Ekki má gleyma afsökun aldarinnar sem barst í gær. Náði Jordan þá nýjum hæðum frumleika þegar hann afboðaði sig vegna sóknarnefndarfundar! WOT? Ekki þar fyrir að Lækmenn hafa vissulega komið að safnaðarstarfi Fríkirkjunnar áður en að koma sér ítrekað í þá stöðu að láta Lækers mæta afgangi er nokkuð einkennileg afstaða.

Úrslit:
McHale 7,5
Henning 5,5
G. Hill 3,5
MvP 3,5
Bird 3,5
Magic 0,5

Staða:
McHale 7,5
MvP 7
Bird 7
Ewing 5,5
GHill 5
Jordan 4,5
McBrands 4,5
Magic 3

Loksins fyrsti tími

2003-10-01T23:25:00.000Z

Já, já, já. Því eldri og mikilvægari sem menn verða þeim mun ver gengur að koma tímabilinu af stað en eigi skal gráta Björn bónda heldur gildir sem fyrr að sýna hvar Davíð keypti ölið. Ölið í dallinum verður ekki drukkið úr Bolla á næstunni miðað við nýjustu fréttir.

Hin fornfræga Lækers heimasíða sem orðin er 18 mánaða gömul og komin með vel á 6. þús. heimsóknir er því miður ekki uppi lengur hvað sem verður og því er brugðið á þetta ráð. Síðustjóri verður ekki mikið meira en talnaritari og nú geta menn látið í sér heyra á síðunni og ekki annars að vænta en þetta verði virkt og virt.

Sem betur fer breytist sumt aldrei. Sami húsvörður í Lækjarskóla, Bird aldrei í liði með Magic, Jón Erling seinastur á svæðið og a.m.k. ein uppákoma til að rífast um. Stórfregn kvöldsins var náttúrulega endurkoma McBrands og er ljóst að gæðastuðullinn hækkar verulega í vetur. Sterkur og útsjónarsamur sem fyrr karlinn.

Klukkan streið okkur dálítið eins og krakkinn sagði, heyrðist ekkert í henni og þarf væntanlega að endurnýja rafkerfið þar. Sumir heyrðu ekkert í andstæðingunum og risu upp snarlega úr klafsi og settu sigurkörfu á síðustu sekúndu eftir að búið var að stöðva leik (að sögn).

Niðurstaðan er sú að formið á einungis eftir að batna en leiktíðin fór vel af stað engu að síður. Mæting verður eflaust meiri þegar fram líða stundir sem og hittnin. Leikmaður kvöldsins var Stockton sjálfur, kom, sá og sigraði eins og Sesar forðum. Sögn kvöldsins átti hins vegar Magic sem þegar í þriðja leik lét útúr sér: "Strákar, spilum þetta skynsamlega!" og var þar með þrekið þrotið.

Úrslit:
Leifur 4,5
Jón Þór 4,5
Björn 4,5
Magnús 3,5
Jón Erling 2.5
Gummi 1.5

Alls sjö leikir.